يامسكينه إذا حلمك تذليني قبل تمشين
نصيحه إصحي إلنفسك وشوفيني يامسكينه
إذا حبك يخليني أذل نفسي لأجل ترضين
ترى ماني مثل غيري إذا حبك تذلينه
عطيتك كل مابيدي وكنتي للأسف تقسين
وأخذتي أكثر أمن اللي تبينه وتمنينه
وبعد منتي تمكنتي وصرتي بالهوا تطغين
خذلتي قلب ماكنك بيوم أنتي تهمينه
وقلت أمشي على جوّك وألبي كل ماتبغين
وأعيّشك (جو) لوأنك حلمتي ماتعيشينه
تحسبيني أنا ظلك أبمشي وين ماتمشين
لوأنك راميّه نفسك بوسط النار ترمينه
وغبتي وكانت الغيبه تقص القلب بالنصين
خساره من بعد طيبه بهالغيبه تجازينه
وأنا وياك عشرتنا ترى ماكملت سنتين
وقلبي أن صار بيدينك أقول أنك تحكمينه
خدعتيني وجبرتيني معاك ألعب على الحبلين
ومر(ن) كنت أذوقه منك .. صدقيني إبتذوقينه
مدامك ماتهابيني ودايم عادتك تنسين
بذكرك كل شي فيني قبل كنتي تهابينه
أنا منهو جرحتيني وجرحي ردلك جرحين
أنا منهو خضعتيله وطحتي عند رجلينه
نسيتي من على شانه ولعيونه تهون العين
لوأنه يطلبك عمرك عشان إرضاه تفدينه
ترى ماهمني حبك وأنا لعيونك الثنتين
بكون آخر حبيب أنتي توقعتي تحبينه
وأبد ماقول لك خوني؟ لأني واثق إبتلقين!
ولوخنتي ولقيتي شخصن يريحك تكلمينه
بخليك أنتي تشكيله ويشكي منك ليه تشكين؟؟
بتلاقيني أنا فبالك بكل مره تحاكينه
ومدامي دايم فبالك تلاقين الفرح من وين؟
مدام الدمعه في عينك وطيفي من تنادينه
أبحرق دمك وبأبعد وأبرجع وأنتي إتشوفين
بصير (الصعب) ولايمكن صعب مثلي تلاقينه
وراسك لأقلب الدنيا على راسك وماتسوين
كلامن قاله لك شاعر صعب أنك تلومينه
تعودتي على (كسر الخواطر) وأدري إبتبكين
خلاص إبكي عشان أضحك على دمعن تهلينه
على بالك إذا غبتي بذل نفسي عشان إتجين
وأنا من ذل (ك) فبعده وحقرانك (يامسكينه)
منقووول
الثلاثاء مارس 18, 2008 6:19 am
