جيت لك والشوق فيني ماله حـدود ونهايـه
جيت لك تعبان ( مرّه ) من عذابٍِ له سنينـي
أدري انـك حافـظٍ طبعـي وقارينـي قرايـه
وتدري إني غيـرك أنتـه ماتمنيتـه عوينـي
تكفى ريّح خاطر اللـي ذاق مافيـه الكفايـه
قامت الدنيا تحده مـن يسـار ومـن يمينـي
صار وقتي يبغى "موتي" صار وقتي من إعدايه
مايهمـه غيـر "تعذيبـي" وجـرات الونينـي
والله إني لوني مخطي لاعتذر له عن خطايـه
بس مذكر شـي واحـد يتركـه عيّـا يلينـي
حطم "أحلامي" وعمري لّو مالـه فيهـا غايـه
غايته ينكر وجـودي ليـن ينسّينـي يقينـي
إيه جيتك غصب عني ! ماهو بكيفي ورضايه
إيه جيتك غصب عني وجيتي ماهـي بيدينـي
لاتقول إشلون ؟ قل لـي ياحياتـي ياغلايـه
أبغى اسمع إي كلمه تسّعد القلـب الحزينـي
إعتبرني "طفل" شفته فجـأةٍ ! بالـدرب "تايـه"
ماله "احضـانٍ" تضمـه لا ولا لـه والدينـي
ظمني من فوق صدرّك خّل هالعالـم ورايـه
نسنّي همي وحزني فـي كلامـك والحنينـي
وإن لمحت دموع عيني واسني وابقى معايـه
سوّ نفسك مالمحت دمـوع عينـي ياضنينـي
خلني "ابكي" واسولف لين أكمـل لـك عنايـه
خلني "اشكـي" بكيفـي ليـن ينبـاح الكنينـي
والله إني أرتعش , وأحس في يدينـك دفايـه
والله إني خايفٍ , والخوف جنبـك مايجينـي
واقسم إني منجرح من دنيتـي وانتـه دوايـه
وش دوايه , وش دفايه , كل شي عندك يزيني
بس انا جيتك وشوقي مالـه إحـدود ونهايـه
وإعرف إني يوم جيتك والله إنه مـو بيدينـي
السبت ديسمبر 01, 2007 8:31 am
