كتبها شاب قبل وفاته بيومين ..!!!

السلام عليكم ورحمة الله وبركاته...

هذه القصيده قيلت انه كتبها احد الشباب من رأى في منامه انه توفى ورثى نفسه فيها ....وتوفي في حادث مروري بعد يومين !!!!!!!!!!

=========================

قال رحمة الله عليه.....

جاني وانا في وسط ربعي وناسي " " جاني نشلني مثل مـا ينشـل النـاس

مني نشل روح تشيل المآسي " " تشكي من ايـام الشقـى تشكـي اليـاس

اثر الالم في سكره الموت قاسي " " ماهالني مثلـه وانـا انسـان حسـاس

جابوا كفن ابيض مقاسه مقاسي " " ولفوا به الجسم المحنـط مـع الـراس

وشالوني اربع بالنعش ومتواسي " " عليه ومغطى علـى جسمـي البـاس

وصلوا علي وكلهم في مآسي " " ربعي ومعهم نـاس مـن كـل الاجنـاس

ياكيف سوا عقبنا تاج راسي " " وامي الحبيبـه وش سـوى بهـا اليـاس

اسمع صدى صوت يهـز الرواسـي " " قولولهـا لاتلطـم الخـد يانـاس

قولولها حق وتجرعت كاسـي " " لاتحتـرق كـل يبـي يجـرع الكـاس

اصبحت في قبري ولابه مواسي " " واسمع قريـع نعولهـم يـوم تنـداس

من يوم قفوا حل موثق لباسي" " وعلـى رد الـروح صـوت بالاجـراس

هيكل غريب وقال ليه التناسي" " صوته رهيـب وخلفـه اثنيـن حـراس

وقف وقال ان كنت يانمر ناسي " " هـاذي هـي اعمالـك تقـدم بكـراس

ومن هول ماشفته وقف شعر راسي " " وانهارت اعصابي ولاارد الانفـاس

ياليتنـي فكـرت قبـل انغماسـي " " بالغفلـه اللـي منتهاهـا للافـلاس

وفزيت من نومي على صوت ناسي " " واصرخ واقول الموت وأحذر الناس